Catanzaro…ma vi chiedistivu mai 'cchi 'bbo dira?Vu diciumu nui. Prima e tuttu aviti e sapira ca tantu,ma tantu tempu fha,i genti si spagnavanu dei "saraceni".Chissi,infatti,sbarcavanu subba i spiaggi d'a Roccelletta e arrobbavanu,minavanu,e i iestimi dei povareddhi 'cchi l'avianu e sopportara,parravanu ccu 'Dominiddiu. Nu iornu pero','a ancunu ci vinna n'idea:"Guaglio',pecchi' non ninda iamu e 'cca e ninda sagghiumu subba i muntagni?Accussi' chissi a fhinanu ma ni ruppanu u culu!".
"Bravu!"dissa unu,"...e vabbo'...iamuninda" dissa n’atru.

Accussi' pigghiaru tuttu e sinda jiru.Doppu na iornata e caminu(na vota non d'eranu machini)vittaru tri colli."'Mbe'!Arrivammi!",dissa u capu.
"Era ura,cchimma t'ammazzanu" ci respundiru tutti l'atri.
"Si',ma mo' comu u chiamamu 'stu postu?" dissa n'atra vota u capu,"nu noma cci l'avimu e dara,sinno' poi si ad ancunu cci vena in menta ma fha 'na squatra e pallona,comu a chiama povareddhu?".

"I mei mi mandaru a Londra st'annu.Chiamamulu Trecolli-town!",dissa unu.
"E si'…ca 'cca i genti non sannu l'italianu e 'mo si mintanu ma parranu inglesa!" .

"Chiamamulu Cosenza,comu cchiddu postu cchi e' puru subba i muntagni!",dissa nu pacciu.
"A cantar'e mmerda...t'immaggini i genti alu stadio cchi dinnu fhorza Cosenza?Ancun'atru ava n'atra idea?" .

Nu guagliuna sintendu tutti sti porcherii,dissa:"Sentiti st'estata jivi in Grecia 'cca a guagliuna mia...pecchi' non u chiamamu Catanzaro?Kata' vvo' dira 'subba',e 'antheros' fhioritu.Accussi' stu postu u chiamamu 'subba i fhioritu'"

"Catanzaro...pero'... non e' mala...e poi puru Fhorza Catanzharu sona bbonu...bravu!" E accussi' nasciu Catanzharu.