[ Home ] [ 賽事直擊 ] [ 英格蘭球會分析 ] [ 意大利球會轉會球員 ] [ 球星擂台 ] [ 鳳溪一中97/98年度5C班壯男 ] [ 黎Link野啦 ] [ 林記的空間 ]
|
|
|
冇時間啦...四大熱門先啦!!會隨時update!! 加左布力般啦!!
防守 : 上季阿仙奴既防守使球隊立於不敗之地,出色的默契加上豐富的經驗,但今年一早已呈現老化既後防又大一歲,其穩健及體力備受質疑.後防線最不穩的是左後防的溫特本.另無論阿當斯,保特,基昂也是轉身較慢的傳統型英格蘭中堅,上季面對一些靈活快速型前鋒時所吃的虧今年似乎仍然要吃,購入韋華斯是一個好的決定. (9) 中場 : 一對防守中場仍是無價寶,中場勇猛攔截加上提供不少美妙輸送.奧華馬斯的速度和靈巧繼續令對手頭痛,柏奴亞上季大躍進,體力好加上勤力及有一定速度,令阿仙奴中場更見完整,中場優勢令人們可對他們投以信心一票. (10) 前鋒 : 柏金技術不用懷疑,可能是當今最佳的技術型前鋒,亦可能是當今狀態最浮動前鋒.上屆嚇人一跳的安歷卡及禾亞亦有強大威脅力.但隨著胡禮的離去兵源更見不足.總而言之,一切交給柏金! (8.5) 總結 : 後防老化及兵源不足為主要問題,在其他球隊大力增兵下有不進則退之感,看來雲加要物色新血了. (9.3)
防守 : 放走後防老大哥亨特利,換入既係同樣屬於硬漢既比確,踢法分別唔大,問題只係穩定性同默契.而軒索斯,韋華利,堅拿等亦有一定份量,加上麥堅尼,舒活亦係工兵型中場,新加盟既s.佩雷斯亦係中後場球員,穩健科華士,實而不華既布力般繼續實際. (8.5) 中場 : 連納利都走左,一切供應只剩下單翼韋確斯,以及麥堅尼既直線.杜夫擁有不俗既天份,或許可以帶來一些驚喜.反而中場掃蕩可以話係全無問題麥堅尼+舒活有活力+經驗,布力般中場有既仍然係實際. (7.5) 前鋒 : 塞頓頭槌威脅力強,射門亦有良好功架,可以話係布力般進攻既重心.加拉查雖然仍未算係一級射手,但係英格蘭亦可以話係危險人物之一.新仔戴維斯高速有活力,係屬於爛打格,先不論其價錢是否過高,亦係有前途新人之一.達連自從受傷以來,狀態一直未能操起,實在可惜,若然今屆有突破,前鋒線上又多一張黑色匕首!! (8.5) 總結 : 仍然係實而不華,但上屆季尾反覆既表現奪去爭標機會,最大問題在於中場既創造力. (8.2)
防守 : 若然車路士安排迪西里打中堅,這麼拿保夫在壓力大減下犯錯會更少,出擊會更多,連帶攻擊亦增強.費利亞加盟把後防彼得斯古濫助攻的最大弱點堵塞,加上英格蘭最佳左後衛拿索斯及有潛質的杜比利,只欠缺的是默契(但這是相當重要,在熱身賽時補位明顯較慢). (8.5) 中場 : 上季車路士中場明顯創造力不足,迪馬提奧,韋斯亦非出色keyman,以至進攻範數很少.普耶復出對中場的效率極有幫助,加上勞特立來投,多左一範落底線但漂亮的直線長傳仍只可靠拿保夫. (7.5) 前鋒 : 實在太多選擇!!技術型,速度型,衝刺型...真的可怕,但默契是一問題,而中場似乎並沒有提供充足種類去配合所有前鋒,看來卡沙拉基一定要與勞特立一起出場了 (9) 總結 : 一切要看默契了,可能一拍即合,亦可能像AC米蘭,看看維埃里的功力了 (8.3)
防守 : 史當頓坐鎮左後防無論穩健或助攻俱大大加強,希瑾亦比麥卡迪亞及鍾斯更有活力.中堅位置上似乎兩名新秀加歷查及馬迪奧比起巴比更穩.凡美相信出場機會好少.總括黎講穩定性加強左,但仍未足夠. (8) 中場 : 列納持續受傷,對中場創造力大大削弱.若然李安赫臣未能突破上季的表現,那麼發動攻勢的擔挑又全落在麥馬拿文身上.兩名新人梅菲及湯臣上季尾表現出色,如能在今季成熟可為球隊提供充足的兵源,但利物浦的中場一向欠硬朗,恩斯仍要一人負擔中場防務全責 (9) 前鋒 : 列度未能融入球隊,科拿亦要近聖誕節方可復出,一切看奧雲以及"鱷魚仔"鄧迪的狀態.鄧迪屬於高大但把握力強的球員,但狀態起伏不定.貝加回勇是一個好消息.球隊殺著仍是麥馬拿文放直線予奧雲快放,沒有錯的了!! (9). 總結 : 利物浦一向的敵人是自己,起伏不定的表現令球隊損失很多分數.侯利亞加盟與伊雲斯擔當雙領隊,又加入一個不明朗變數... (8.7)
防守 : 史譚季初表現令人非常失望,令曼聯中路不穩加,上球隊仍未上力,失左好多大意波. (8.5) 中場 : 傳聞傑斯會移入中路,我真係估唔到可以點排,或許是由左至右布隆基斯,傑斯,堅尼,碧咸.或者呢個只係費格遜安撫布隆基斯的手段(不過我認為安撫又點,布隆基斯季中發現被騙,仲唔走咩.而且亦顯出費格遜冇信用).碧咸上季未能完全勝任中場指揮官,不過曼聯中場一向以默契,整體及勤力見稱,我記憶上能在中場完全壓制曼聯就只有阿仙奴於主場一役. (9.5) 前鋒 : 有一班有一定質素但唔穩定的前鋒,高爾把握力不足,史高斯可以入一球靚但失一球好易等等,約基與其他球員似乎未能取得默契,但合作耐左就可能唔同哂啦 (8.5) 總結 : 實力比起上季加強,力圖奪回失落了的冠軍!! (8.8) |
英格蘭球會分析
Arsenal
阿仙奴
Blackburn
布力般流浪
Chelsea
車路士
Liverpool
利物浦
Manchester
Utd. 曼聯