|
Hu xieraq li f'gheluq il-hamsin sena mit-twaqqif tal-klabb tal-futbol
ta' St. Venera Lightnings, il-Kumitat haseb biex jikteb l-istorja ta' dan
il-kazin biex il-Vendrizi tal-lum u dawk t'ghada jkunu jafu bil-grajjiet
li minnhom ghadda dal-klabb. Hamsin sena huma tista' tghid ghomor ta' bniedem,
u bhall-bniedem, il-klabb ghadda mill-glorji u t-tbaghtijiet tieghu.
Hi haga naturali li kull bidu jkollu l-iebes tieghu u
dal-klabb mhux xi eccezzjoni. Izda bir-rieda t-tajba, bis-serjeta fl-organizzazzjoni
u b'gentlomi li dejjem kien imzejjen bihom il-klabb, irnexxielu jghix hamsin
sena ta' hajja bit-taqlib kollu li ghadda minnu.
Il-loghba tal-ballun f'Malta
F'artiklu f'gurnal tal-Hadd, il-famuz referee internazzjonali
skocciz Mr Peter Craigmyle, wara zjara f'gziritna, kien iddeskriva lil
Malta bhala "Football-mad Island". U bir-ragun kollu ghax hadd ma jista'
jmeri l-fatt li l-loghba tal-ballun hi l-loghba sportiva l-aktar mahbuba
f'Malta. Lanqas zewg gwerer kbar ma setghu jnaqqsu l-imhabba tal-Maltin
ghal din il-loghba. Zgur li dawk l-irgiel fis-Servizz Inglizi li zerghu
l-ewwel zrieragh ta' dil-loghba f'gziritna qatt ma hasbu bil-frott li dil-loghba
halliet warajhom.
Kif wiehed jistenna, id-distretti li fihom kienu stazzjonati
s-suldati Inglizi f'Malta kienu minn ta' l-ewwel li organizzaw it-timijiet
tal-futbol taghhom. Wiehed jista' jahseb x'pika kbira kienet tqum meta
kienu jiltaqghu l-ewwel timijiet tal-futbol Maltin biex jilaghbu kontra
t-timijiet tassew b'sahhithom tar-regimenti ta' l-Armata Ingliza. Barra
minn dan beda jigi organizzat league bejn it-timijiet Maltin fejn nies
minn kull naha ta' Malta kienu jitbaqbqu huma u jaraw lit-tim taghhom jilghab.
Sa ftit qabel ma faqqghet it-Tieni Gwerra Dinjija, bosta mit-timijiet Maltin
kienu mfawra bi plejers promettenti li bil-mod il-mod bdew jiehdu post
il-veterani tal-loghba. Meta faqqghet il-gwerra dawn iz-zghazagh kellhom
iqattghu seba' snin jew telghin u nezlin gox-xelters, jew iharsu lil xtutna
mit-theddid tal-ghadu.
Haga wahda halliet tajba l-gwerra fuq il-loghba tal-futbol:
din kissret sa certu punt il-monopolju li kellhom l-aqwa zewg klabbs ta'
dak iz-zmien - Floriana F.C. u Sliema Wanderers - ghax bil-mod il-mod timijiet
ohra ma harsux lura u bdew ikunu qawwija u organizzati daqs dawn it-tnejn.
Ir-rahal ta' Santa Venera
Meta wiehed ihares lejn il-mappa ta' Malta, wiehed isib
li r-rahal ta' Santa Venera huwa mwiezen minn rhula hafna akbar minnu:
Birkirkara, Hal Qormi, Hamrun u Msida. Dawn kienu rhula mhux biss kbar
fid-daqs izda wkoll f'dik li hi organizzazzjoni civika u ekklezjastika.
Dawn l-irhula ga kellhom stabbli l-kazini tal-baned taghhom, ghaqdiet socjali
u sportivi b'sahhithom, u Ghaqdiet Religjuzi habrieka li lkoll flimkien
sawru armonija ta' hidma fejjieda ghall-parruccani taghhom.
Ir-rahal ta' Santa Venera ma kellux dan. Jekk forsi kien
hawn xi haga wara l-gwerra - barra l-Istituti filantropici - kienet
il-hidma individwali tal-Patrijiet Karmelitani, it-taghlim tad-duttrina
mill-membri tal-Muzew u l-bidu tal-Lega minn Patri Mikiel Camilleri O.Carm.
Mhux ta' b'xejn li l-Vendrizi harsu lejn l-irhula ta' madwarhom biex jiksbu
dik ix-xi haga socjali-sportiva biex tmantnihom. Fejn jidhol il-futbol,
iz-zghazagh Vendrizi kienu jharsu u jissapportjaw lill-Hamrun Spartans.
Bidu tas-St. Venera Lightnings F.C.
Il-bidu tal-klabb tal-futbol ta' Santa Venera ma bediex
f'Santa Venera, izda fil-Hamrun. Grupp ta' zghazagh Hamrunizi xtaqu jwaqqfu
klabb ghalihom gol-Hamrun bl-isem ta' Hamrun Lightnings. Dan ma setghux
jaghmluh ghax il-Malta Football Association (MFA) kellha regolament gdid
li kien jghid li maghha ma setghux jigu affiljati zewg klabbs mill-istess
rahal jew belt. Issa billi fil-Hamrun ga kienu jezistu l-iSpartans, il-holma
ta' dawn iz-zghazagh sfat fix-xejn. Salvinu Spiteri, li kien wiehed minn
dawn iz-zghazagh li kien il-mohh ghat-twaqqif ta' dan il-klabb, mar l-MFA
li dak iz-zmien kienet fi Triq l-Ordinanza, il-Belt, u kellem lis-Segretarju
bl-idea taghhom. Dan qallu li fil-Hamrun ma setghux iwaqqfu klabb iehor
izda jridu jsibu distrett li m'hemmx fih klabb affiljat. Giethom l-idea
jaraw l-eqreb distrett u sabu li f'Santa Venera ma kien hemm xejn. Fil-fatt
l-idea originali tas-Sur Salvinu Spiteri kienet li dan il-klabb ma jkunx
ghall-futbol biss, izda li jilhaq ukoll ghanijiet socjali-sportivi.
Huma kienu jiltaqghu f'kantina ghand Guzeppi tal-Blakk
(fejn illum hemm Reno's Ironmongery Store go Victoria Avenue, illum Triq
Guze Pace).
Apatija f'Santa Venera
Is-Sur Salv ried ikun zgur li f'Santa Venera ma kien hemm
xejn imwaqqaf. Huwa dahal b'kumbinazzjoni fit-"Tower Bar" (hdejn it-Turretta)
u hemm sab xi Vendrizi jixorbu li ma tantx hajruh bi kliemhom li jista'
jwaqqaf xi haga f'dar-rahal "ghax hawn kollox idum mill-Milied sa San Stiefnu"!
Dan aktar ma qatax qalb is-Sur Salv ghax ra li l-idea li jkun hawn xi haga
socjali-sportiva jista' jibda jaghti certa identita' lil dan ir-rahal kwiet
u minsi.
L-ewwel pijunieri
L-ewwel pijunieri kienu Salvinu Spiteri, Charles M. Camilleri,
Joseph Bartolo u Joseph Bezzina. Vendrizi li bdew minn tal-bidu jaghtu
daqqa t'id (u sa certu punt nghodduhom ukoll bhala pijunieri) huma: Charles
Cachia, Ivo Aquilina, Carmelo Scicluna, Angelo Attard, George Gauci u Manwel
D'Amato.
Bosta Vendrizi kienu jiddiehku bi shabhom meta bdew jarawhom
jinteressaw ruhhom f'din l-idea ta' dal-klabb. Wiehed jista' jghid li bit-twaqqif
ta' dan il-klabb, kellna nistennew sas-sena 1964 biex twaqqaf xi haga socjali-kulturali
ohra f'Santa Venera, u dan kien il-Kazin tal-Banda Santa Venera.
L-isem Lightnings
L-ewwel membri hassew li kien xieraq li l-isem tal-klabb
ikun dak ta' Santa Venera biex tibqa' mfakkra r-rabta li kien hemm bejn
il-post maghruf bhala l-R.A. (grawnd fi Fleur de Lys uzat mill-plejers
tat-tim) u l-Qaddisa Padruna tal-lokal, Santa Venera. Minn dakinhar sal-lum
dan l-isem baqa' marbut mal-klabb. Izda l-isem Lightnings kif dahal? Is-Sur
Joseph Bartolo (li kien jigi r-ragel ta' oht il-mara tas-Sur Salvinu Spiteri)
u Segretarju tal-Klabb, kien gej u sejjer in-NAAFI gewwa Hal Luqa u hemm
kien hemm ajruplan Fighter li kellu l-isem ta' Lightning. Dan kien fl-1945.
Dan ressaq l-idea lill-membri u lis-Sur Salv u dawn ghogbithom l-idea u
l-klabb beda jissejjah b'mod ufficcjali s-St. Venera Lightnings Football
Club.
Ghala l-lewn Isfar u Blu
L-ilwien tal-klabb gew b'kumbinazzjoni. Is-Sur Salvinu
Spiteri mar jaqta' xaghru ghand parrukkier li jismu Edward (Dwardu) Galea
li kellu l-hanut fi Triq il-Kbira San Guzepp (hdejn il-hanut fejn illum
hemm D'Amico). Is-Sur Salv qaghad jghidlu fuq it-tim gdid tal-Lightnings.
Dan Dwardu ha certu interess u qallu li ghandu sett gerijiet ghall-bejgh
li ma kenux ghaljin. Dawn kienu qomos sbieh nofshom isfar u nofshom blu.
Issa habat sew ghax hadd mit-timijiet l-ohra ma kellhom dawn l-ilwien.
Is-Sur Salv ghogbuh ukoll ghall-fatt li dawn ma kellhomx l-ahmar
tal-Hamrun jew ta' Birkirkara b'hekk taw aktar identita' lill-klabb
Vendriz. Kulhadd accettahom mill-ewwel. U dan gara li b'kumbinazzjoni
qablu mal-ilwien tal-villagg ta' Santa Venera li mhux kulhadd kien jaf
li kienu isfar u blu.
L-ewwel Laqgha
Fis-sajf tas-sena 1945 issejhet l-ewwel laqgha li fiha
Salvinu Spiteri ntghazel President fil-waqt li
Charles M. Camilleri u Joseph Bartolo nhatru Segretarju u Tezorier
rispettivament. Membri ohra kienu l-Captain tat-tim u xi plejers. Din saret
ghand Guzeppi tal-Blakk. Dik is-sena l-klabb beda jiehu sehem bhala Amateurs
fil-League tal-Malta Football Association fis-sezzjoni ta' l-Associate
Members.
Il-Postijiet fejn kien il-Klabb
L-ewwel post ufficcjali tal-Klabb kien kif ghedna ghand
Guzeppi tal-Blakk il-Hamrun. Minn hemm gie Santa Venera. Fl-inhawi ta'
Misrah il-Barrieri fil-kantuniera ma' Triq il-Harrub, kien hemm dar imdaqqsa
li maghha kien imiss hanut (bar) mikri lil certu Carmelo Mercieca. Salvinu
Spiteri u Charles Cachia marru jifthiemu mas-Sur Mercieca biex jibdew jiltaqghu
ghandu. Dan tahom kamra fuq gewwa biex fiha jibda jiltaqa' l-Kumitat. Dawn
l-inhawi - mhux bhal-lum - kienu vojta mill-bini u wiehed jista' jghid
li l-Klabb kien xi ftit jew wisq maqtugh mill-qalba tar-rahal. Minhabba
xi nuqqasijiet il-Kumitat iddecieda li jerga' jmur ghand Guzeppi
tal-Blakk. Kulma kienu ghamlu ghand Mercieca kien xi stagun jew tnejn.
Bidu tajjeb bir-rebh ghat-Tieni Divizjoni (1948-49)
Minghand Guzeppi tal-Blakk fl-istagun 1948-49, il-Lightnings
rebhu l-promozzjoni ghat-Tieni Divizjoni. Dawn kienu rebhu l-partiti kollha
fejn skurjaw erbatax-il gowl u qalghu biss tlieta. Li tirbah l-unuri tas-Sezzjoni
u titla' fit-Tieni Divizjoni wara biss sena fit-Tielet Divizjoni hi bla
dubju grajja kbira fl-istorja tal-Klabb Vendriz.
Ir-rizultati kienu dawn:
vs Zejtun Corinthians (5-0)
vs Qormi (2-0)
vs Zebbug (2-1)
vs Gzira (3-1)
vs Kalkara (2-1)
Il-plejers kienu dawn:
Carmel Brincau; Spiro Borg; Carmel Scicluna; Joseph Felice;
Carmel Brincat; Hector Corrado; Joseph Mizzi; Alfred Grech; Francis Grima;
Emanuel Camilleri; Joseph Camilleri.
Ghand "Tal-Lawlaw"
Wara stagun wiehed biss fit-Tieni Divizjoni (1949-50),
il-Klabb sab ruhu ghand il-familja Azzopardi maghrufa bhala "Tal-Lawlaw".
Dan kien f'numru 475, Triq il-Kbira San Guzepp (fejn illum hemm l-Ghassa
tal-Pulizija). Dan ukoll kien bar u hawnhekk damu sa l-1965.
Fejn qeghdin illum
Il-Kumitat dejjem xtaq post aktar centrali fil-qalba ta'
Santa Venera. Fl-1965, bit-thabrik tal-Kappillan Patri Kiljan Azzopardi
O.Carm., il-Klabb nizel fejn hu llum, jigifieri f'numru 522 Triq il-Kbira
San Guzepp. Hawnhekk il-Klabb sab ruhu b'facilitajiet ahjar milli kellu.
Patri Kiljan donnu fehem aktar il-htiega li l-parrocca jkollha tim tal-futbol
denn ghaliha. Kien jemmen hafna fl-isports u z-zghazagh u kien ta' ghajnuna
morali biex il-Klabb Vendriz jimxi aktar 'il quddiem. Fl-1984 il-Kumitat
ta' dak iz-zmien irnexxielu jikri wkoll minghand il-Familja Spiteri numru
523 biex b'hekk tniffdu z-zewg postijiet f'wiehed u l-Klabb kiber.
L-ewwel Kowc
L-ewwel darba li l-Klabb ha sehem f'league, kellu kowc
lil Gejtu Psaila maghruf bhala l-Hacca. Dan kien plejer antik tal-Hamrun
Spartans tal-ghoxrinijiet. Gejtu kien ingieb minn habibu Guzeppi tal-Blakk.
Kien ha grazzja mal-Klabb u kien jitla' mal-plejers il-grawnd ghal-loghob.
Dan kien ghamel zmien jigi izda mbaghad qata'. Wara l-klabb ghamel zmien
bla kowc sakemm fl-ahhar gie Frankie Tabone.
Diffikultajiet tal-Bidu
Fost l-ewwel diffikultajiet li sab ruhu l-Kumitat kienu
n-nuqqas ta' esperjenza minhabba li l-Klabb kien gdid. Izda l-aktar ghadma
iebsa li sab kien in-nuqqas ta' sapport mill-Vendrizi. Kulma kienu jitilghu
mal-plejers kienu l-President u xi membri tal-Kumitat biss. dawn la kellhom
appogg morali u lanqas finanzjarju. Meta kienu jaghmlu xi gabra mar-rahal,
hafna mill-Vendrizi kienu jghidulhom li ghadhom kemm taw xi ghotjiet lit-tim
tal-Hamrun u tal-Floriana. Problema ohra kienet l-istatus tal-Klabb ghax
dawn kienu Amateurs. Dan kien ifisser li l-plejers ma kenux jithallsu.
Fil-fatt iol-Lightnings, il-Melita F.C. u xi zewg timijiet ohra biss kellhom
dan l-istatus. Madankollu l-ispirtu kumbattiv u sportiv tal-plejers gibed
l-ammirazzjoni u t-tifhir ta' kulhadd.
Bejn l-1950 u 1966
Ghal kwazi sittax-il sena, jigifieri mill-1950/51 sal-1966/67,
il-Lightnings kellhom jilaghbu fit-Tielet Divizjoni. Wiehed mill-fatturi
ewlenin li gara dan kien li l-plejers kienu jmorru jilaghbu mat-timijiet
li minnhom jaqilghu l-flus. Infatti hafna kienu jsejhu lill-Klabb ta' Santa
Venera bhala n-"Nursery tal-Hamrun Spartans". Punt iehor kien li l-kompetizzjoni
tjiebet, il-livell oghla u l-appogg ma zdiedx la min-naha finanzjarja u
lanqas fin-numru tal-membri.
Meta wiehed jibda jqalleb fil-kotba tal-Minuti ta' dan
iz-zmien, isib dawn il-fatti li mhux ta' min ihallihom barra:
1956-57
Il-Klabb jaghti sehem kbir fit-twaqqif tas-"Saint Venera
Civic Committee" u kien ressaq xi emendi ghar-regolamenti ta' dan is-Civic
Committee u dawn kienu gew accettati.
It-tim tal-Minors kienu rebhu l-unuri tas-Sezzjoni taghhom
u wkoll in-Knock-out Competition u dan minghajr telfa.
1957-58
It-tim tal-Minors rega' rebah is-Sezzjoni C minghajr telfa.
Alfred Galea (Minors) ntghazel mill-kowc nazzjonali
tal-Under 21 biex jibda jirraporta ghat-training mat-tim nazzjonali U/21.
1958-59
It-tim tal-Minors rega' rebah is-Sezzjoni taghhom minghajr
telfa u minghajr ma qala' gowl. Il-kumitat iddecieda li jsiefru lill-Minors
ghal tlitt ijien go Sqallija. Dil-mawra damet mit-3 sas-6 ta' Lulju 1959.
Huma telqu bil-vapur Star of Malta u zaru Taormina.
Il-Klabb jaqleb Professional
Fl-1960 il-Klabb bidel l-Amateur Status tieghu ghal dak
Professional u b'hekk seta' jkollu mieghu plejers li jhallsu. Din il-bidla
kienet tehtieg emendi fir-Regolamenti tal-Klabb permezz ta' Laqgha Generali
tal-membri kollha u dawn taw l-approvazzjoni mehtiega.
1965: L-ahhar laqgha tal-Kumitat ghand "Tal-Lawlaw"
Ghal aktar minn ghoxrin sena, il-Klabb kien f'numru 475
Triq il-Kbira San Guzepp f'post tal-familja Azzopardi (illum imwaqqa'
u floku hemm il-Housing Estate tal-Gvern). Il-familja Azzopardi qatt ma
riedet kera tal-post. Ghalkemm dan il-post kien joffri xi vantaggi fosthom
bitha kbira fejn il-plejers kienu jittrenjaw, dan kien ftit imwarrab u
ghalhekk kienet ix-xewqa tal-Kumitat li jsib post aktar 'l isfel fi Triq
il-Kbira San Guzepp.
L-ahhar laqgha tal-Kumitat li nzammet f'dan il-post kienet
fl-14 ta' Lulju, 1965, fis-7.30 p.m. Fiha gie diskuss il-hatriet
tal-Kumitat il-gdid, xiri ta' drapp ta' purtieri godda ghall-kazin il-gdid,
u billi kienet qed toqrob il-festa ta' Santa Venera, iddiskutew kif
kellha tinxteghel il-faccata tal-post il-gdid.
L-ewwel laqgha tal-Kumitat fil-post il-gdid
L-ewwel laqgha tal-Kumitat fil-kazin il-gdid f'numru
522 Triq il-Kbira San Guzepp, saret fit-28 ta' Lulju, 1965, fis-7.30 p.m.
Fost punti ohra l-Kumitat semma l-organizzazzjoni tax-xalata ta' l-ghada
tal-festa. Dawk li kienu gejjin jum shih kellhom ihallsu 5/- (25 centezmu)
u dawk li kienu gejjin ghal nofs ta' nhar ihallsu 3s 6d (17c 5m).
L-ewwel membri li zammew kumitat fil-post il-gdid kienu
s-Sinjuri: Salvinu Spiteri (President), J. Scerri (Segretarju), Alfred
Scerri (Tezorier), George Portelli, Emanuel Muscat u Angelo Attard (Membri).
1966-67: Fit-Tieni Divizjoni mill-gdid
Billi l-MFA f'dan l-istagun iddecidiet li zewg timijiet
jigu promossi ghat-Tieni Divizjoni, il-Kumitat tal-Lightnings mill-ewwel
hadem biex ikollu tim qawwi halli jkun wiehed minn dawn iz-zewg timijiet.
Il-Kumitat sahhah it-tim billi gab plejers ta' esperjenza ta' l-Ewwel Divizjoni
bhalma huma: Neville Mallia, Joseph Falzon, Edward Spiteri u Charlie Chircop.
Ingagga wkoll lis-Sur Anthong Cordina bhala Coach-trainer biex izomm
lill-plejers kollha fit matul l-istagun kollu.
It-training beda jsir fl-open air fix-Chateau Lonz (illum
ic-Centru Parrokkjali) misluf bla hlas mill-Patrijiet Karmelitani, kif
ukoll fil-grawnd tat-Territorials fejn 'il quddiem inbniet il-fabbrika
tal-Canada Dry u llum hemm flokha dik tal-Capri Sun.
Din il-hidma tat il-frott mixtieq ghax il-Lightnings rebhu
kemm is-Section kif ukoll il-Promozzjoni ghat-Tieni Divizjoni. It-tim kien
tilef biss l-ewwel loghba kontra Haz-Zebbug u qala' gowl wiehed u dan kien
f'din l-ewwel loghba. Imbaghad ma harisx lura. It-tlugh kien wiehed meritat
u bosta ghadhom jiftakru fil-battalja li kienet qamet fix-Schreiber Ground
ta' Rahal il-Gdid fl-Inter Sections Deciders.
Dan l-istagun jibqa' mfakkar ghall-hidma li wera kull
wiehed li b'xi mod jew iehor kellu x'jaqsam mal-Klabb. Ir-rebha tal-Promozzjoni
kienet tfakkret b'dimostrazzjoni kbira mar-rahal ta' Santa Venera.
Mawra sa Catania
Fil-waqt li kienet ghaddejja l-hidma ghar-rebh tal-Promozzjoni,
il-Kumitat kien wieghed li jekk din issehh, jippremja lill-plejers b'gita
ta' sebat ijiem go Catania ... u l-Kumitat zamm kelmtu.
F'nofs Awissu tal-1967, it-tim u numru ta' supporters
telghu Catania gewwa Sqallija. Kemm dam hemm, it-tim laghab loghba ta'
hbiberija kontra A.C. Massimiliana fil-grawnd ta' Fontanarossa. Ta'
min jghid li dan il-grawnd gdid kien gie inawgurat proprju b'din il-loghba
kontra t-tim Vendriz. Ghalkemm il-Lightnings kienu tilfu (7-0), wiehed
irid izomm f'mohhu li l-Massimiliana kienu ghamlu uzu minn 21 plejer u
li l-loghba kienet ntlaghbet fil-floodlights - haga li l-plejers tat-tim
Vendriz qatt ma kienu mdorrijin biha. Kemm il-hila tal-plejers kif ukoll
l-ispirtu sportiv taghhom gibdu l-ammirazzjoni tal-Katanizi prezenti fil-grawnd,
kif deher fil-gazzetti u mil-laqgha li kienet saret lill-Klabb Vendriz
mill-Ufficcjali tal-Klabb ta' Massimiliana f'ikla li ghamlu wara
l-partita.
1967-68: Il-Fundatur jirrezenja wara 23 sena ta' Hidma
Il-fundatur u President tal-Klabb is-Sur Salvinu Spiteri
ta r-rizenja tieghu fil-Laqgha Generali li nzammet fit-12 ta' Gunju, 1968.
Dan ghamlu minhabba pressjoni ta' xoghol. Fil-fehma tas-sur Salv, kien
wasal iz-zmien li t-tmexxija tal-Klabb tghaddi f'idejn haddiehor u b'hekk
tkun zgurata l-ezistenza tal-Klabb. Jien u nitkellem dan l-ahhar mas-Sur
Salv qabel ma bdejt nikteb din l-istorja tal-Klabb, tlabtu x'kien l-akbar
sodisfazzjon tieghu kemm dam imexxi l-Klabb. Huwa wegibni: "Dak li emmint
fih mill-bidu ta' l-ezistenza tal-Klabb, issa sehh! dan ghaliex mir-rahal
li ma kellu ebda attivita ta' xejn, issa l-Klabb sar influwenti. Fih saru
hafna attivitajiet b'serjeta'. Jiena u shabi hdimna b'mod li l-ezistenza
tal-Klabb baqghet ghaddejja b'mod intatt. Qatt ma konna fi krizi li l-Klabb
mhux se jkompli jezisti."
F'din il-Laqgha Generali l-membri ivvutaw unanimament
biex is-Sur Salvinu Spiteri "...bhala fundatur tal-Club li ma kienx qed
jikkontesta ghall-Kumitat minhabba pressjoni tax-xoghol, ikun jista' jattendi
ghas-seduti tal-Kumitat meta jkun jista'".
("Minuti tas-Seduta Generali Annwali, it-Tnejn,
12 ta' Gunju, 1968).
1968-69: Taht il-Presidenza tas-Sur Emanuel Muscat
Wara r-rizenja tal-fundatur, it-tmexxija tal-Klabb ghaddiet
f'idejn is-Sur Emanuel Muscat. Is-Sur Muscat tista' tghid li ddakkar mit-tmexxija
tal-fundatur. Hu pprova jmexxi fuq l-istess passi tal-President ta' qablu.
Huwa stinka biex il-Klabb ihallih (a) b'isem tajjeb mal-MFA (b) ikollu
isem b'kondotta tajba u (c) li l-Klabb qatt ma jitghabba bi djun.
Tajjeb li wiehed hawnhekk isemmi l-attivitajiet u l-hidmiet
li twettqu taht il-Presidenza tas-Sur Muscat.
1972-73
F'dan l-istagun kien mehtieg revizjoni ta' l-Istatut u ta' l-iStanding
Orders kif titmexxa l-elezzjoni generali ghall-ghazla tal-Kumitat tal-Klabb.
Il-Kumitat haseb biex jibda attivita gdida fi zmien il-festa
ta' Santa Venera billi stieden lill-Ghaqdiet socjali, religjuzi u politici
ghal riceviment biex l-"Ghaqdiet jiltaqghu flimkien u fil-waqt li jifirhu
flimkien, jiddiskutu l-problemi ta' xulxin flimkien". ("Laqgha Generali
Annwali 1972 - Rapport Amministrattiv"). Illum nafu li din l-idea qeghdin
jaghmlulha Ghaqdiet socjali ohra fir-rahal ta' Santa Venera.
Bdiet id-drawwa tal-Footballer of the Year li ntrebah ghall-ewwel
darba minn Lolly Aquilina, bir-runner-up ikun George Mercieca. It-trophy
sabih inghata lill-Klabb mis-Sur Pullu Debono.
1973-74
Permezz tal-Ministru ta' l-Edukazzjoni, il-Klabb inghata l-permess
biex jibda jittrenja fil-grawnd ta' l-Iskola tas-Snajja' "Umberto Calosso".
Il-Kumitat haseb biex jorganizza ghall-ewwel darba l-Under 17
Summer League.
1974-75: Gheluq it-30 Sena mit-Twaqqif tal-Klabb
F'laqgha tal-Kumitat, il-President is-Sur E. Muscat kien
wera x-xewqa li jsiru celebrazzjonijiet xierqa biex jitfakkru gheluq it-30
sena mit-twaqqif tal-Klabb (1945-75). Ghal dan il-ghan kien twaqqaf 'Kumitat
ghat-Tmexxija ta' l-Anniversarju tat-Tletin Sena'. Dan kien maghmul hekk:
President
Sur Emanuel Muscat
Segretarju
Sur Alfred Scerri
Tezorier
Sur Alfred Briffa
Membri
Patri Nerik Zahra O.Carm.
Kav. Oswald Vella
Dr Roger Vella
Salvinu Spiteri
Charles Cachia
Alfred Mizzi
Angelo Attard
Ic-celebrazzjonijiet kienu bdew mill-24 ta' Settembru
sal-1 ta' Ottubru 1975. Fost hwejjeg ohra kien hemm: Quddiesa Koncelebrata
mid-Direttur Spiritwali tal-Klabb Patri Nerik Zahra O.Carm; Cross-Country
madwar ir-rahal organizzata mill-M.A.A.A.; kompetizzjoni tal-Bocci fil-Pitch
tal-Bocci ta' Santa Venera; loghba futbol bejn it-tim tal-Lightnings u
dak ta' l-Old Boys tal-Klabb stess (8-0); marc mill-Banda Santa Venera
VM mar-rahal, u kollox gie fi tmiemu bil-Kxif ta' Lapida komemorattiva
fil-Kazin mill-President tal-MFA Dr. G. Mifsud Bonnici LL.D. fejn wara
saret Reception fil-Miriam Hall.
Dawn kienu festi sbieh li ghaqqdu mhux biss lill-Kumitat,
tim u membri, izda wkoll lir-rahal kollu. Kien inhareg ktieb tat-tifkira.
1975-76: Promozzjoni ghat-Tielet Divizjoni
Dan l-istagun baqa' fil-memorja ta' hafna Vendrizi billi
l-Klabb rebah il-Promozzjoni ghat-Tielet Divizjoni u dan l-unur inkiseb
f'Gheluq it-30 sena mit-twaqqif tal-Klabb. Il-Lightnings baqghu mhux meghluba,
b'punti massimi u sofrew gowl wiehed biss minn penalty kontra H'Attard
wara 628 minuta loghob. id-Division IV Championship Decider kellha ssir
darbtejn vs Mellieha.
Ghal dan il-ghan kien inhareg ukoll ktieb biex ifakkar
ir-rebh ta' din il-Promozzjoni.
F'dan l-istagun il-Lightnings kienu telghu final tan-Knock-out
izda tilfu 1-2 kontra H'Attard.
1977-78
Il-Lightnings rebhu d-Division III K/O Winners kontra l-Imqabba
(wara l-hin barrani) bil-penalties.
Il-plejer tal-Lightnings Emanuel Sammut jintghazel mill-iStanding
Committee tat-III/IV Divizjoni bhala l-Footballer of the Year ta' l-istagun.
Bhala Counsil Member tal-M.F.A. Emm Muscat kien
gie nominat biex jifforma parti minn board biex jispezzjona l-grounds u
jressaq rapport lilha minhabba incidenti li kienu inqaghu fil-grouds ewlenien
f'dak iz-zmien.
1979-80: President Gdid: is-Sur Alfred Briffa
Wara hdax-il sena fit-tmexxija tal-Klabb, is-Sur Emanuel
Muscat ma tefax in-nominazzjoni tieghu ghall-Kumitat il-gdid biex b'hekk
floku ntghazel bhala President is-Sur Alfred Briffa. Wiehed ta' min jghid
li s-Sur Muscat ta certa direzzjoni u tmexxija serja lill-Klabb fejn kellu
wkoll ir-responsabbilta tac-celebrazzjonijiet tat-tletin sena mit-twaqqif
tal-Klabb.
1980-81: Rebh tal-Promozzjoni ghat-Tieni Divizjoni
Dan kien stagun li ferrah lill-Klabb mill-gdid ghax il-ksib
tal-promozzjoni ghat-Tieni Divizjoni ma kienx facli. Ksib importanti hafna
kien dak tal-kowc is-Sur Alfred Mizzi li kien il-gowler internazzjonali
ta' Malta u tal-Hiberians F.C. It-tim mhux dejjem kien fl-aqwa tieghu izda
fl-ahhar ma harisx lura.It-Tim rebah il-promozzjoni ghat-Tieni Divizzjoni
wara dicider kontra ta'Xbiex (2-1).
Il-Klabb, ghalkemm hu zghir, kien ta Lm800 incentivi lill-plejers
fuq ir-rebh tar-Promozzjoni. Ghal dan ir-rebh kien inhareg ktieb tat-tifkira
u kien sar marc mar-rahal nhar il-Hadd, 31 ta' Mejju 1981. Dak inhar indaqq
ghall-ewwel darba l-"Innu Santa Venera Lightnings FC" miktub mis-Sur Mike
Ciantar minn Haz-Zebbug.
F'dan l-istagun ta' min wiehed jghid li Vince Carbonaro
kien spicca l-aqwa scorer tat-Tielet Divizjoni bi 11-il gowl.
1981-82
Saret ghotja ta' sett Jerseys tassew sbieh minn habib tal-Klabb,
Dr M.G. Hattab.
It-tim rega' sab ruhu fit-Tielet Divizjoni. Dan kien ghaggeb
lil hafna wara li l-Kumitat tant kien mexa tajjeb mal-plejers fl-istagun
ta' qabel. Fil-plejers waqghet apatija kbira fejn lanqas biss ma kienu
jinzlu biex jittrenjaw.
Il-plejer tal-Minors Mark Said intghazel mat-tim nazzjonali
tal-Youths tal-MFA.
Il-Kumitat jiddeciedi li ma jaghtix f'dan l-istagun it-trophy
tal-Footballer of the Year.
1982-83: President Gdid
F'dan l-istagun inhatar President gdid, is-Sur Alfred Scerri.
Huwn dahlet l-idea li tibda ssir il-"Festa tat-Tesserament" u din saret
nhar it-28 ta' Lulju, 1982. Dan sar festin zghir fejn il-President qasssam
it-Tesseri lill-membri.
Il-Klabb sab ruhu minghajr kowc u ghalhekk il-Kumitat hatar
lis-Sinjuri Frans Debono u Lawrence Ellul biex jittrenjaw lit-timijiet
tal-kbar u tal-Minors rispettivament.
F'dan l-istagun gew stampati ghall-ewwel darba pocket
diaries li tqassmu lill-membri u supporters tal-Klabb.
1983-84
Dan kien wiehed mill-aktar staguni impenjattivi li qatt kellu
l-Klabb fl-istorja tieghu. Dan ghaliex il-Klabb ha sehem b'hames timijiet
fil-kampjonati organizzati mill-MFA u mill-YFA u dawn kienu: III
Division, III Division (Res.), Minors, Under 16 u Under 14.
Twaqqfet il-Kummissjoni fi hdan il-Klabb biex tiehu hsieb it-timijiet
tal-Under 16 u Under 14.
Inghata sett Track-suits sponsorjati mis-Sur George Mifsud tad-ditta
Crystal Beyer.
1984-85
Il-Kumitat haseb biex ikabbar il-kazin u jizdiedu aktar facilitajiet
fil-post. Huwa kera minghand il-Familja Spiteri n-numru 523 Triq il-Kbira
San Guzepp u b'hekk niffdu mal-kazin. B'hekk il-bar ha aktar spazju u zdied
il-loghob ta' gewwa.
Bi ftehim mad-Direzzjoni ta' l-Istitut ta' San Guzepp, il-Kumitat
dahhal id-dawl elettriku fil-grawnd biex it-timijiet ikollhom aktar facilitajiet
biex jittrenjaw.
Fl-okkazjoni tal-40 Sena mit-Twaqqif tal-Lega f'Santa Venera,
il-Klabb tella' stand b'ritratti ta' l-istorja u l-hidma tal-Klabb.
1985-86
F'dan iz-zmien fuq l-istazzjon televiz Malti kien hemm il-programm
popolari Bongu Malta li kien jigi trasmess dirett il-Hadd fil-ghodu. Meta
dan sar f'Santa Venera, il-Klabb ta sehmu billi membri tal-Kumitat gew
intervistati fejn semmew grajjiet prezenti u mghoddija tal-Klabb.
Fi tmiem is-sena 1985 kellna l-ahbar kerha tal-mewt tal-Kav.
Oswald Vella li kien membru u benefattur kbir tal-Klabb.
1986-87: President gdid: Is-Sur Joseph Vella
Wara li s-Sur Alfred Scerri mexxa l-Klabb ghal erba' staguni,
is-Sur Joseph Vella nhatar President gdid floku. Is-Sur Vella deher li
ried jaghti spinta lill-finanzi tal-Klabb u ghalhekk intefa' fuq l-organizzazzjoni
soda ta' bosta attivitajiet socjali li setghu jirrendu l-qligh. Dawn l-attivitajiet
gew ippjanati bl-akbar serjeta u b'hekk l-ghan intlahaq. Fost l-attivitajiet
li kienu tassew success, wiehed isemmi l-Lejla Maltija bil-festival tal-Birra
fil-Gnien Romeo Romano, kif ukoll giet organizzata Oktoberfest fil-Lukanda
Wignacourt. Barra dan il-Kumitat organizza ghall-ewwel darba t-tqassim
tar-rigali lit-tfal mill-Father Christmas fil-jiem sbieh tal-Milied.
1987-88: Bidu tal-Youth Nursery
Fis-26 ta' Ottubru 1987, Bro Joseph Bonnet MSSP, religjuz li
jiehu hsieb it-tfal fl-Istitut ta' San Guzepp, beda jigbor fil-grawnd
ta' dan l-Istitut, l-ewwel tfal ghall-Youth Nursery. Dan gara wara li ltaqa'
mal-President tal-Klabb is-Sur Joseph Vella u dan issuggerilu biex jibda
jigbor lit-tfal Vendrizi u jorganizzahom f'din in-nursery. Is-Sur Vella
kien jaf b'liema entuzjasmu Bro Bonnett kien organizza n-nursery
fir-Rabat Depiro Centre, allura ma halliex l-opportunita tahrablu minn
idejh u ha din l-okkazjoni ghall-gid tat-tfal u fl-istess hin tal-Klabb
ukoll.
Ghalkemm it-twaqqif beda bi ftit tfal, fi tmiem l-istagun
dawn telghu mas-sittin u kienu jvarjaw fl-etajiet ta' bejn id-9 u l-15-il
sena. It-tfal inqasmu fi tliet gruppi: minn disgha sa hdax-il sena; minn
tnax sa tlettax-il sena u minn erbatax sa hmistax-il sena.
In-Nursery organizzat l-ewwel Tournament taghha u hadu
sehem erba' timijiet: Ghawdex Maghzul, Floriana FC, tim minn Acireale (Sqallija)
u Santa Venera. Dan intrebah min-Nursery ta' Santa Venera.
Imbaghad f'Lulju 1988 t-tim tal-Under 14 ha sehem f'Tournament
gewwa Acireale fejn qatta' tlettax-il jum hemmhekk jilghab diversi loghbiet.
Zgur li l-idea tat-twaqqif tal-Youth Nursery ghad trid
thalli effetti pozittivi b'beneficcji kbar ta' risorsi ghal gejjieni tal-Klabb
ta' St. Venera Lightnings. Bla dubju l-hegga, l-interess u d-dedikazzjoni
ta' Bro Bonnet u l-kowcis tieghu ghad iridu jkunu aktar apprezzati fil-gejjieni!
Il-"Kumitat Festi Esterni Santa Venera V.M." irregala lill-Klabb
bandiera sabiha bl-ilwien Vendrizi.
1988-89
F'dan l-istagun il-league tal-Youths (Sezzjoni F) rebhuh il-Lightnings
u ghal dan ir-rebh saret ikla ghall-plejers u nghatat midalja tat-tifkira.
It-timijiet tan-Nursey Under 13 u Under 15, flimkien mal-Minors,
marru fis-sajf jilaghbu fi Sqallija.
1989-90: President mill-gdid is-Sur Alfred Briffa
Hawnhekk rega' ntghazel mill-gdid President tal-Klabb is-Sur
Alfred Briffa. F'Dicembru tas-sena 1989 kienet saret ghall-ewwel darba
fl-istorja tal-Klabb Laqgha Generali Straordinarja. Fiha ghandu jibda jigi
diskuss il-qaghda u s-sitwazzjoni tal-Klabb. Din tibda tissejjah il-Laqgha
Generali ta' Nofs l-Istagun.
Matul dan l-istagun sar xi tibdil fil-kamra tal-Kumitat u dik
ta' ma' genbha kif ukoll id-Dressing rooms.
Regola gdida li ddahhlet fl-Istatut tal-Klabb tghid li Plejers
Amateurs li jkunu ghalqu tmintax (18)-il sena, jistghu jikkontestaw l-elezzjoni
ghall-Kumitat u fl-istess hin jibqghu jilaghbu mal-Klabb.
1990-91: Ir-rahal jifrah bil-Promozzjoni
Ir-rebh tal-Promozzjoni ghat-Tieni Divizjoni gab ferh kbir mhux
biss fit-tim tal-Lightnings, izda tista' tghid mar-rahal kollu. Dan l-unur
kien wiehed misthoqq wara l-hafna hidma ghaqlija mill-Kumitat li bena tim
tajjeb b'hafna akkwisti ta' plejers godda. It-tim baqa' ma tilifx loghba
u gie draw erba' darbiet. Bhala kowc it-tim kellu lis-Sur Raymond Decelis.
It-tim spicca erba' punti fuq l-eqreb tim li kien Melita FC. Meta gie biex
jilghab ic-Championship Decider mar-rebbieh ta' Sezzjoni 'A', it-tim tilef
(0-3) mal-Vittoriosa Stars. It-tim kien skurja 31 gowl u qala' biss 7.
Kienu saru festi kbar f'Santa Venera bejn is-17 u l-25
ta' Mejju, 1991. Kien intrama karru sabih f'forma ta' ajruplan u saret
dimostrazzjoni kbira mmexxija bil-banda ta' Santa Venera. Hafna baqghu
jiftakru bl-innu melodjuz bil-kliem u muzika tas-Sur Joe Tanti tal-Greenfields
bl-isem "Ejjew Vendrizi Maghna". Kienet saret lejla divertenti li ghalqet
ic-celebrazzjonijiet meta saret serata muzikali ferrieha ma' genb
il-kazin fi Triq il-Qalb Imqaddsa. Din tmexxiet minn Joe Tanti stess bis-sehem
tal-Kor tal-parrocca Flos Carmeli, u l-Gruppi X-Tend, Excess Beat
Group u l-Greenfields.
Ta' min wiehed hawnhekk isemmi l-ghajnuna kbira li sab
il-Kumitat tal-Lightnings mill-Kumitat Festi Esterni Santa Venera fejn
iz-zewg kumitati hadmu id f'id ghall-gid tar-rahal. Barra dan il-Kumitat
Festi Esterni ipprezenta wkoll bandiera sabiha lill-Klabb fir-rally
li sar ghas-supporters qabel il-loghba importanti kontra l-Melita FC.
Sar Kalendarju '91 u Pocket Diary li tqassmu lill-membri u bosta
benefatturi ohra.
Sar l-istampar ta' l-Istatut tal-Klabb f'forma ta' ktieb u ntbaghat
lill-membri kollha.
Is-Sur Joe Vella (PRO) beda johrog Newsletter kull tliet xhur
bl-isem ta' Il-Kuntatt, li fih jinghataw dettalji li jkun ghaddej minnhom
il-Klabb. Dan kien jigi stampat bl-ghajnuna tas-Sinjuri Silvio Farrugia
u Josette Zerafa.
1991-92: Is-Sur John Attard President tal-Klabb ghall-ewwel
darba
Is-Sur John Attard intghazel President ghall-ewwel darba wara
r-rizenja tas-Sur Alfred Briffa. Il-President u l-Kumitat kellmu lill-plejers
kollha dwar l-organizzazzjoni tal-Klabb u x'jixtiequ li jitjieb. B'hekk
inholqot ghaqda u hbiberija aktar profonda bejn kulhadd.
Fit-tim tal-kbar bdew jiddahhlu fih plejers mit-tim ta' Taht
it-18-il sena biex dawn jiksbu aktar esperjenza f'Divizjoni oghla.
Iz-zghazagh ta' Taht it-18-il sena rebhu s-Sezzjoni 'C' b'tim
qawwi mmexxi mill-kowc is-Sur Michael Farrugia. Huma tilfu l-Inter Section
KO kontra Valletta FC meta fil-final gew (3-3) u fir-replay (0-1). Il-plejers
inghataw rigal xieraq u midalja f'B-B-Q li kien sar ghalihom.
Inhareg ktieb b'sittin pagna bhala taghrif ta' x'gara matul
dan l-istagun.
Il-Kumitat tal-Lightnings beda jisponsorja s-St. Venera Lightnings
Netball Team tat-tfajliet. Dan twaqqaf billi matul is-sajf bosta
tfajliet kienu jiffrekwentaw il-kazin u xtaqu jppartecipaw f'xi sport ghalihom.
Il-Kumitat accetta li jisponsorjaw dan it-tim biex b'hekk il-kazin jinzamm
aktar attiv. It-tim bdiet tiehu hsiebu s-Sinjura Elizabeth Vella. It-tim
dahal fl-Ghaqda Nazzjonali Netball u beda jippartecipa fit-Tielet Divizjoni.
Fl-ewwel sena tieghu t-tim spicca fir-raba' post.
1992-93: It-tim izommu postu ghat-tielet sena fit-Tieni Divizjoni
Bla dubju s-sodisfazzjon ewlieni kien li t-tim tal-Lightnings
zamm postu fit-Tieni Divizjoni u dan juri li ghall-ewwel darba fl-istorja
tal-Klabb Vendriz, it-tim se jkun ghamel tliet staguni konsekuttivi f'din
id-Divizjoni tal-MFA. Il-Kumitat hatar kowc ghal dan l-istagun lis-Sur
Joe Attard.
Il-Kumitat hadem bla heda biex itejjeb il-qaghda finanzjarja
tieghu billi organizza diversi attivitajiet bhal: Fiera tal-Pjanti, Ikla
Hut, zewg Dinner Dances u lotterija Voucher Lm200 (V. Petroni Ltd.).
Bhas-soltu l-Youth Nursery kienet attiva hafna. Barra l-hafna
loghob li kellha f'Malta u Ghawdex, hija hadet sehem f'Tournament gewwa
Sqallija u rebhet is-Sezzjonijiet ta' Taht l-10 snin u ta' Taht l-14-il
sena.
It-tim tan-Netball ta' St. Venera Lightnings mar xi ftit ahjar
mis-sena l-ohra fejn kellu aktar rebhiet. L-isbah rebha ghamilha meta laghab
loghba ta' hbiberija kontra t-tim Ingliz St. Benedict's Whitehaven (17-11).
Il-Kumitat rega' ippubblika ktieb bil-kulur ta' 64 pagna
St Venera Lightnings FC - Harsa lejn l-Istagun 1992-93.
1993-94: Decider mitlufa t-Tim jigi Relegat
Wara tliet staguni fit-Tieni Divizjoni, il-Klabb rega' sab ruhu
jilghab fit-Tielet Divizjoni meta spicca fl-ahhar tas-Sezzjoni 'A' b'9
punti daqs iz-Zejtun Corinthians. Fl-14 ta' Mejju, 1994 saret ir-Relegation
Decider u t-tim tal-Lightnings tilef (0-1). Bhala kowc kien hemm is-Sur
Godwin Cuschieri.
Izda bhala sodisfazzjon il-Lightnings rebhu l-Kampjonat Taht
21 Sena meta qatghu b'6 punti lit-tim ta' Santa Lucia.
In-Nursery regghet kienet attiva bhas-soltu bit-thabrik u d-determinazzjoni
ta' Bro Joseph Bonnett MSSP u shabu. Fit-Tournament ta' Acireale huma rebhu
s-Sezzjoni ta' Taht is-16-il Sena. Il-Prize Day saret waqt ikla fil-Canteen
ta' l-Università nhar l-4 ta' Gunju, 1994. Il-premjijiet tqassmu
mill-President tal-Lightnings is-Sur John Attard fil-presenza ta' madwar
mitejn ruh.
Nhar il-Hadd, 24 ta' April 1994, saret zjara ufficjali lill-Klabb
mill-Kunsill Lokali ta' Santa Venera. Din iz-zjara tmexxiet mis-Sindku
s-Sur Michael Caruana. F'din l-okkazjoni s-Sindku ghamel kelmtejn ta' ringrazzjament
u ipprezenta tifkira lill-Klabb. Il-President tal-Lightnings is-Sur John
Attard f'kelmtejn li ghamel wieghed kull koperazzjoni lill-Kunsill Lokali
ghall-gid tar-rahal. Fil-fatt membri mill-Kumitat gew mistiedna biex jippartecipaw
f'wiehed mill-kumitati jew sotto-kumitati ta' l-Isports fi hdan il-Kunsill
Lokali. Dawn huma s-Sinjuri Joe Vella, Louis Calleja u Raymond Farrugia.
F'din l-okkazjoni l-President John Attard ipprezenta tifkira lis-Sindku
f'isem il-Klabb.
Ghat-Tielet sena konsekuttiva, it-tim tan-Netball St Venera
Lightnings ha sehem fil-league tal-Mid-Med Bank National Netball Association.
Ghal darba ohra inhareg ktejjeb li jaghti harsa lura lejn l-istagun.
Gheluq
Din kienet firxa twila ta' grajjiet li ghadda minnhom
il-Klabb tal-Futbol ta' Santa Venera Lightnings. Bhal kull familja umana,
anki l-Klabb kellu l-mumenti sbieh u koroh tieghu.
Meta wiehed jibda ghaddej fil-qari tal-kotba tal-Minuti
u Rapporti Amministrattivi tal-Klabb, wiehed bla ma jrid isib xewqa wahda
minn kull President jew Kumitat - aktar appogg finanzjarju u aktar membri-supporters
tal-Klabb. Minghajr finanzi l-hajja tal-Klabb ma ddurx. Il-Vendrizi jehtieg
li jissapportjaw b'kull mezz lill-Klabb kemm bil-presenza taghhom fl-attivitajiet
kif ukoll f'finanzi jekk iridu jaraw lit-tim jaghmel progress
f'Divizjoni oghla.
Il-Lightnings jifirhu li fi zmenijietna ssuperaw bosta
problemi li fl-imghoddi kienu jxekkluhom. Dan zgur huwa ta' mertu ghall-Kumitati
u membri li dejjem ghamlu hilithom - anki f'mumenti difficli - biex il-Klabb
baqa' jezisti u ma waqafx tul il-mixja ta' hamsin sena. L-organizzazzjoni
baqghet dejjem sejra bil-Kumitat jaghmel hiltu biex dejjem jibghat tim
denn ghal-loghob. Haga li tghaggbek inti u taqra r-rizultati tul dawn il-hamsin
sena hi li l-Klabb qatt ma kien kostrett li jaghti walk-over ghax
dejjem tela' ghal-loghob u b'hekk qeda dmiru lejn ir-rahal li jgib ismu.
Illum il-Klabb lahaq l-ghanijiet ta' dawk li waqqfuh hamsin
sena ilu, ghax il-Klabb huwa rispettat min-nies tal-lokal u kulhadd jiltaqa'
fih ghax lest li jilqa' lil kulhadd fi hdanu. L-apatija li biha harsu lejh
il-Vendrizi ta' hamsin sena ilu llun indifnet. Il-Klabb ta hafna gid lil
Santa Venera u dan mhux dak sportiv biss. Jigi minna lkoll li nghinu b'kull
mod lil dan il-Klabb li mill-ewwel ried jaghti certa identita' lir-rahal
taghna, biex l-isem ta' Santa Venera Lightnings F.C. jibqa' jidher fl-oghla
quccata tal-loghba tal-futbol f'pajjizna.
Stanley Spiteri
|
